யூடியூபில் ‘டிஜிட்டல் பிச்சை’

மத்தியப் பிரதேசத்தைச் சேர்ந்த கௌதம் சூர்யா என்னும் இளைஞர், தனது வாழ்வில் ஏற்பட்ட கஷ்டங்களைச் சமாளிக்க ஒரு வித்தியாசமான பாதையைத் தேர்ந்தெடுத்துள்ளார். அதுதான், YouTube நேரலைகள் (Live Streaming) மூலம் ‘பிச்சை’ பெறுதல்!

இன்றைய நவீன உலகில், சமூக வலைதளங்கள் வெறும் பொழுதுபோக்கிற்கான கருவியாக இல்லாமல், வாழ்வாதாரத்திற்கான ஒரு புதிய வழியாகவும் மாறியுள்ளதற்கு, கௌதம் சூர்யாவின் இந்தச் சம்பவம் ஒரு சான்றாக அமைந்துள்ளது.

கௌதம் சூர்யா தனது YouTube சேனல் வழியாகத் தினமும் மூன்று முதல் நான்கு மணி நேரம் வரை நேரலையில் தோன்றி, தனது பார்வையாளர்களிடம் இருந்து நன்கொடைகளைப் பெறுகிறார். எப்படித் தெரியுமா? 

தன்னுடைய சேனலில் கட்டப்படாத அல்லது வெளிப்புறத்தில் ஒரு இடத்திலிருந்து தன்னுடன் ஒரு சிறுவனையும் வைத்துக்கொண்டு, பெரிய அளவில் பணம் செலுத்துவதற்கான QR Code நன்கு வீடியோவில் வருமாறு வைத்து, ஏதாவது வாய்க்கு வந்ததெல்லாம் பேசுவார். இதில் யாராவது பணம் அனுப்பினார்கள் என்றால் உடன் அவர்களின் பெயரையும் அவர்கள் அனுப்பிய பணத்தையும் அறிவிப்பார். ஒரு ரூபாயிலிருந்து பல்லாயிரம் வரை அனுப்புவார்கள்.

இந்தச் சேனல் சென்ற ஆண்டில் மட்டும் 2 கோடிக்கும் மேற்பட்ட பார்வைகளைப் பெற்றுள்ளது, இது அவரது மக்கள் செல்வாக்கையும், வருமானத்தின் வேகத்தையும் தெளிவாகக் காட்டுகிறது. அவர் தனது தனிப்பட்ட வாழ்க்கைத் துயரங்களை ஒரு கலை வடிவமாகவோ, அல்லது ஒரு தொடர் கதையாகவோ பார்வையாளர்களுக்கு அளித்து, அதன் மூலம் ஆதரவைத் திரட்டுவதாகவே பலரும் கருதுகின்றனர்.

இந்தக் “கௌதமின் யாசகச் சேனல்” மூலம் அவர் கடந்த ஓர் ஆண்டில் மட்டும் சுமார் 20 லட்சம் ரூபாய் விளம்பர வருமானம் ஈட்டியுள்ளது, சமூக வலைதளங்களில் மிகப் பெரிய விவாதப் பொருளாகவும், ஆச்சரியமாகவும் மாறியுள்ளது.

கௌதமின் இந்தக் "யூடியூப் யாசகம்" குறித்துப் பார்வையாளர்கள் மத்தியில் இருவேறுபட்ட கருத்துகள் நிலவுகின்றன.

அவரது இந்தத் திறந்த மற்றும் நேர்மையான அணுகுமுறையைப் பலரும் பாராட்டுகின்றனர். “நாங்கள் மனப்பூர்வமாக அவருக்கு உதவுவோம்; உங்களுக்கு விருப்பம் இல்லையெனில் அதிலிருந்து விலகிக்கொள்ளலாம்,” என்று கூறி, அவருக்குத் தொடர்ந்து நன்கொடைகள் வழங்கி வருகின்றனர்.

அதே சமயம், சிலர் இது யாசகம் செய்வதற்கான தவறான முன்மாதிரி என்றும், இளைஞர்களைச் சுயமுயற்சியிலிருந்து திசை திருப்புவதாகவும் விமர்சனம் செய்கின்றனர்.

ஆனாலும், இந்த விமர்சனங்களுக்கு மத்தியிலும், வட இந்திய மாநிலங்களில் உள்ள பல இளைஞர்கள், கௌதம் சூர்யாவைப் பார்த்துத் தங்களது வாழ்க்கையைச் சுயமாகவும், புதுமையான வழிகளிலும் மேம்படுத்த முயற்சிக்கத் தொடங்கியுள்ளனர் என்பது குறிப்பிடத்தக்கது. இது வெறும் பொழுதுபோக்குக்கு அப்பால், வாழ்வின் துயரங்களை வர்த்தகமாக்கும் ஒரு புதிய இணையப் பொருளாதாரத்தின் முகத்தை நமக்குக் காட்டுகிறது.

-S.B.