'கூகுளு'க்கே பிரச்சினை

உலகில் முன்னணி தேடுபொறி தளமான கூகுளுக்கு எதிராக எழுந்த ஒரு முக்கியப் பிரச்னை குறித்து, அதன் தலைமைச் செயல் அதிகாரியான திரு. சுந்தர் பிச்சை அவர்கள் நேற்று அமெரிக்க நீதிமன்றத்தில் ஆஜராகி விளக்கம் அளித்துள்ளார். அமெரிக்காவின் முன்னாள் அதிபர் டொனால்ட் டிரம்ப் சம்பந்தப்பட்ட ஒரு தேடல் முடிவின் காரணமாக இந்தக் குழப்பம் எழுந்தது.

கூகுள் தேடுபொறியில் "Idiot" (முட்டாள்) என்று தேடும்போது, அமெரிக்க அதிபராக இருந்த டொனால்ட் டிரம்ப்பின் புகைப்படம் தேடல் முடிவுகளில் முதலில் தோன்றியது. இது வேண்டுமென்றே கூகுளால் செய்யப்பட்ட சதி என்றும், அதன் தலைவர் சுந்தர் பிச்சை இதற்கு நீதிமன்றத்தில் விளக்கமளிக்க வேண்டும் என்றும் அமெரிக்காவில் வழக்கு தொடரப்பட்டது.

நேற்று நீதிமன்றத்தில் ஆஜரான திரு. சுந்தர் பிச்சை, கூகுளின் நிலைப்பாட்டைத் தெளிவாக எடுத்துரைத்தார். அவர் கூறிய முக்கியக் கருத்துக்கள்:

கூகுளின் தேடல் முடிவுகள் மனிதர்களால் நேரடியாக மாற்றியமைக்கப்படுவதில்லை. அதாவது எந்த மனிதரும் அதனை இயக்கவோ அல்லது மாற்றவோ முடியாது.

மாறாக, இணையத்தில் மக்கள் என்ன செய்கிறார்கள், எதைப் பற்றிப் பேசுகிறார்கள், ஒரு தகவலை எதனுடன் இணைக்கிறார்கள் என்பதன் அடிப்படையில் தான் முடிவுகள் காட்டப்படுகின்றன. இதனை Backlink என்பார்கள். ஒரு வலைப்பதிவில் ஒரு தகவலை படித்துக் கொண்டிருக்கிறோம். அதில் சில வார்த்தைகளுக்கு விளக்கமாக மற்றொரு பக்கம் இணைக்கப்பட்டிருக்கும் இதனைத்தான் Backlink என்பார்கள். கடந்த அமெரிக்க தேர்தலின்போது இணைக்கப்பட்ட பக்கங்கள் தான் தேடலுக்கு விடையாக இருக்கின்றது.

ஒரு வருடத்தில் மட்டும் மூன்று லட்சம் கோடிக்கும் அதிகமான தேடல்கள் கூகுளில் நடப்பதால், ஒவ்வொரு தேடல் முடிவையும் ஒரு மனிதரால் சரிபார்க்க இயலாது.

"இடியட்" என்று தேடும்போது டிரம்ப்பின் புகைப்படம் முன்னணி முடிவுகளில் வந்தது "கூகுள் பாம்பிங் (Google bombing)" என்று அழைக்கப்படும் ஒரு நிகழ்வு. இது கூகுளின் சொந்தத் தவறு அல்ல, மாறாக இணையப் பயனர்களின் கூட்டுச் செயல்பாட்டின் விளைவு என்று அவர் விளக்கமளித்தார்.

இந்தச் சர்ச்சை உருவானதன் பின்னணி சுவாரஸ்யமானது. அமெரிக்க அரசியலில், டிரம்ப்பிற்கு எதிரானவர்கள் "இடியட்" என்ற வார்த்தையை டிரம்ப்பின் புகைப்படங்களுடன் பல இணையதளங்களிலும், சமூக ஊடகங்களிலும் ஆயிரக்கணக்கான முறை இணைத்து வெளியிட்டனர்.

கூகுளின் தேடுபொறி, அதன் தரவுகளைச் சேகரிக்கும்போது, அந்தப் படமும் வார்த்தையும் அதிகம் இணைக்கப்பட்டுள்ளதைக் கண்டது. இதன் விளைவாக, யாரேனும் "இடியட்" என்று தேடும்போது, அந்த வார்த்தையுடன் அதிகளவில் இணைக்கப்பட்ட படம் என்ற அடிப்படையில் டிரம்ப்பின் புகைப்படம் தொழில்நுட்ப ரீதியாக முன்னணி முடிவுகளில் காட்டப்பட்டது.

தற்போது அது மாற்றப்பட்டுவிட்டது.

இதன் மூலம் நாம் தெரிந்து கொள்ள வேண்டியது என்னவென்றால், கூகுள் தேடல் முடிவுகள் என்பது ஒரு தொழில்நுட்பத்தின் பிரதிபலிப்பு மட்டுமே. அந்தத் தொழில்நுட்பம், இணையத்தில் மனிதர்களால் உருவாக்கப்பட்ட, பகிரப்பட்ட தகவல்களையே நமக்குக் காட்டுகிறது. கூகுள் அதன் தேடல் வழிமுறைகளைத் தொடர்ந்து மேம்படுத்தினாலும், இணையத்தில் பரவும் தவறான அல்லது தவறாகப் பயன்படுத்தப்படும் தகவல்களைக் கையாள்வது என்பது எப்போதும் ஒரு பெரிய சவாலாகவே உள்ளது.

இணையப் பயனர்களாகிய நாம், தகவல்களின் உண்மைத்தன்மையை ஆராய்ந்து அறிய வேண்டியது மிகவும் அவசியம். 

எது எப்படியாயினும் நம்ம டிரம்ப் யாரையும் விட மாட்டார் போல….. 

S.B.